Лістапад—снежань. Літаратурны часопіс. — Мінск, 2015. — 300 с.
ISSN 2076-1309
Аўтары нумару: Уладзімер Арлоў, Ніл Гілевіч, Леанід Дранько-Майсюк, Міхась Кавыль, Алесь Кажадуб, Віталь Рыжкоў ды іншыя.
Пра калядны №79 “Дзеяслова” на сайце СБП (LIT-BEL.ORG) Паглядзець
Фактычна ўся восень прайшла пад знакам дзённіка Уладзіміра Караткевіча, апублікаванага ў №78 “Дзеяслова”. Перадкалядны №79 таксама мае чым узрадаваць аматараў беларускай літаратуры.
Адзіны на ўсю Беларусь народны паэт Ніл Гілевіч адкрывае нумар сваёй навуковай знаходкай — старадаўняй беларускай паэмай XVI стагоддзя “Сходка нячысцікаў” аўтарства Юстына з Ліцьвіноў.
У адным з польскіх архіваў паэт знайшоў гэты не вядомы для айчыннага пісьменства эпічны твор, уразіўся яго мове, мастацкім вобразам і вырашыў перакласці паэму на сучасную беларускую мову.
Леанід Дранько-Майсюк распрацоўвае мала характэрны для сучаснай беларускай паэзіі жанр паэмы і прапаноўвае два свае творы: “Праклён” і “Паязджане”.
Анатоль Зэкаў у падборцы “Залівае дождж цябе, Айчына...” нямала радкоў прысвячае патрыятычнай тэме — напрыклад, бітве пад Оршай і бюракратычнаму Дню беларускага пісьменства.
З часу выдання сваёй кнігі «Дзверы, замкнёныя на ключы» Віталь Рыжкоў не друкаваў новых твораў. Нізка вершаў «Удары ў хвіліну» запаўняе гэты скразны прагал у сучаснай паэзіі.
Паэтка з Брусэля Маргарыта Тарайкевіч у падборцы “Актывіст эпохі Бакумацу” пераўвасабляецца ў японскага героя ХІХ стагоддзя, які жыве ў смутную для сваёй дзяржавы эпоху.
Паэт з Магілёва Дзмітры Дзмітрыеў у нізцы “Памяці герояў космасу” адыходзіць ад свайго паліндрамічнага амплуа і дрэйфуе ў бок малафарматнай постмадэрновай формы. У рубрыцы “Дэбют” свае вершы прапаноўвае Валерыя Данілевіч.
Лірычная частка нумара завяршаецца публікацыяй вершаў і перакладаў фіналістаў літаратурнага конкурсу “Экслібрыс”.
Творы і перастварэнні друкуюць Валерыя Кустава, Алесь Емяльянаў, Яўгенія Асколкава, Ганна Комар, Аляксей Лабоцкі, Яна Мацюшава, Аліса Мініна, Арцём Сітнікаў, Ганна Станіславенка, Анхела Эспіноса Руіс.
Проза ў №79 “Дзеяслова” рэпрэзентаваная цэлым шэрагам імёнаў, з якога выразна вылучаецца аповесць Уладзіміра Арлова “Танцы над горадам”. Вельмі даўно Уладзімір Арлоў не цешыў чытача сваёй новай прозай і вось нарэшце задавольвае ягоныя чаканні. Байкі пра пісьменнікаў “Далёка ад радзімы”, а менавіта пра Піліпа Пестрака, Івана Шамякіна, Антона Бялевіча і іншых, друкуе Алесь Кажадуб.
Падобным жа чынам падыходзіць да матэрыялу і Уладзімір Сіўчыкаў, публікуючы нізку “Бо гэта кроў мая!” з кнігі “Уладзевы гісторыі”. З апавяданнямі выступаюць у нумары Вячаслаў Лапцік, Павел Ляхновіч і Сяргей Календа, а працягвае ці, можна сказаць, папярэднічае ім аповед “Праклёнышы” забытага аўтара нашаніўскага часу Лявона Гвазда, падрыхтаваны Юрасём Пацюпам.
Рэдкі для часопіснага фармату драматургічны твор публікуе Іван Клімянкоў (містэрыя “Тунель”). У перакладной рубрыцы выступае літаратарка з Беласточчыны Міра Лукша — з перастварэннямі Тамаша Мельцарэка.
Да 100-годдзя аўтара, прадстаўніка беларускай эміграцыі ў Злучаных Штатах Амерыкі Міхася Кавыля “Дзеяслоў” друкуе падборку яго выбраных вершаў з прадмовай Ціхана Чарнякевіча. Тэму працягвае Наталля Гардзіенка з артыкулам “Усё прыходзіць па заслугах”. Хроніка аднае сям’і ў Бельгіі (1958—1992)”. З наступнаю часткаю незавершанай біяграфіі Уладзіміра Някляева знаёміць Сяргей Шапран.
У раздзеле інтэрв'ю — Ілля Лапато (“Без беларускага радыё — няма беларускай культуры”. Гутарка з Алегам Вінярскім) і Алесь Паплаўскі (“На камянях квітнеюць кветкі...” Гутарка з Лявонам Валасюком). З крытыкай новых кніг Уладзіміра Сіўчыкава, Васіля Дэбіша і Наталлі Русецкай выступаюць, адпаведна, Пятро Васючэнка, Леанід Галубовіч і Наста Грышчук.
Завяршае нумар падборка мініяцюр Яўгена Рагіна “Мой жывот”.
Прэс-служба ГА "Саюз беларускіх пісьменнікаў"
ЗМЕСТ Паглядзець
ПАЭЗІЯНіл Гілевіч. Сходка нячысцікаў.
Паэма ХVІ стагоддзяЛеанід Дранько-Майсюк. Паязджане.
Дзве паэмыАнатоль Зэкаў. Залівае дождж цябе, Айчына…
ВершыВіталь Рыжкоў. Удары ў хвіліну.
ВершыМаргарыта Тарайкевіч. Актывіст эпохі Бакумацу.
ВершыДзмітры Дзмітрыеў. Памяці герояў космасу.
Вершы ПРОЗАУладзімер Арлоў. Танцы над горадам.
АповесцьАлесь Кажадуб. Далёка ад радзімы.
Байкі пра пісьменнікаўВячаслаў Лапцік. Рэдактар.
АпавяданнеПавел Ляхновіч. Суюнбай.
Аповед-згадкаУладзімір Сіўчыкаў. “Бо гэта кроў мая!”
З кнігі “Уладзевы гісторыі”Сяргей Календа. Запалкі.
Апавяданне ДЭБЮТВалерыя Данілевіч. Бойка чорнага з белым.
Вершы КОНКУРС“Экслібрыс”. Творы пераможцаў конкурсу маладых літаратараўВалерыя КуставаАлесь ЕмяльянаўЯўгенія АсколкаваГанна КомарАлесь ЛабоцкіЯна МацюшаваАліса МінінаАрцём СітнікаўГанна СтаніславенкаАнхела Эспіноса Руіс ТЭАТРІван Клімянкоў. Тунель.
Містэрыя ПЕРАКЛАДЫТамаш Мельцарэк. Прысутнасць.
Пераклад з польскай мовы Міры Лукшы АНТАЛОГІЯЛявон Гвозд. Праклёнышы. Занядбаны шэдэўр.
Прадмова Юрася Пацюпы ДА 100-ГОДДЗЯ МІХАСЯ КАВЫЛЯМіхась Кавыль. Жыцця няўтоленая смага. Выбраныя вершы.
Прадмова Ціхана Чарнякевіча НОБЕЛЬЦіхан Чарнякевіч. Галасы Утопіі эпохі second-hand.
Творчы партрэт Святланы Алексіевіч ДОСЛЕДНаталля Гардзіенка. “Усё прыходзіць па заслугах”.
Хроніка аднае сям’і ў Бельгіі. (1958—1992) ЖЫЦЦЯПІССяргей Шапран. Уладзімір Някляеў. Незавершаная аўтабіяграфія.
Старонкі новай кнігі. (Працяг) ДА 90-ГОДДЗЯ БЕЛАРУСКАГА РАДЫЁІлля Лапато. “Без беларускага радыё — няма беларускай культуры”.
Гутарка з Алегам Вінярскім СЛОВЫАлесь Паплаўскі. На камянях квітнеюць кветкі…
Гутарка з Лявонам Валасюком Да 250-годдзя Міхала Клеафаса АгінскагаІрына Масляніцына, Мікола Багадзяж. Паланэз Агінскага
КНІГАПІСПятро Васючэнка. І тут падышоў Уладзя і сказаў… Рэцэнзія на
кнігу Уладзіміра СіўчыкаваЛеанід Галубовіч. З поўняй адзіноты на плячах. Рэцэнзія на
кнігу Васіля ДэбішаНаста Грышчук. Пенелопа сядае ў цягнік. Рэцэнзія на
кнігу Наталлі Русецкай ПАЛАТА №6Яўген Рагін. Мой жывот
ДЗЕЯПІСНовыя выданні на кніжных паліцах “Дзеяслова”
