Жыць не страшна
Description
Фрэскі. — Мінск: Медысонт, 2008. — 256 с. Цьвёрдая вокладка.Наклад кнігі цалкам прададзены.
ISBN 978-985-6530-95-4
У кнігу Барыса Пятровіча (Сачанкі) увайшлі кароткія навэлы, якія маюць падназву "фрэскі". Так, фрэскі, бо пішуцца яны за адзін раз, як і малююцца ў храме — пакуль не высахла тынкоўка. І не перапісваюцца, бо нельга ўвайсьці ў адзін і той жа настрой двойчы...
У гэтым зборніку вы зможаце прасачыць аўтарскае развіццё жанру: ад сюжэтнае прозы да прозы ў вершах.
Артыкул пра аўтара ў Вікіпедыі
*****
Пра кнігу
"Багатая лексыка, выверанае і паўсюль на сваім месцы слова, далікатнае і стрыманае пісьмо (па-брэхтаўску адчужанае ад аўтара), прытоены ў падтэксьце інтэлектуалізм, ці, дакладней, не прытоены, а натуральна ўплецены ў тканіну тэксту някідкай ніткай... Барыс Пятровіч аднолькава ўдала і прафэсійна працуе ў рэалістычнай, мадэрновай і нават постмадэрновай эстэтыцы. Што б ён ні пісаў, традыцыйнае апавяданьне ці аповесьць, мадэрновую імпрэсію ці постмадэрновы тэкст, усякі раз ён выверана адпаведны даміноўнаму ў той ці іншай эстэтыцы фармальна-эстэтычнаму модусу".
(Валянцін Акудовіч)
"Міф, які стварае Барыс Пятровіч, адначасова і ўнівэрсальны, і беларускі. Прастора дзеяньня тэкстаў — заўсёды Беларусь, але гэтая Беларусь успрымаецца не як правінцыя, а як цэнтр, і герой не маргінал, а чалавек сусьвету... Адметная рыса творчасьці Барыса Пятровіча — сінтэз набыткаў сусьветнай культуры і аўтахтоннай, аўтэнтычнай беларушчыны... Барысу Пятровічу ўдаецца спалучаць неспалучальнае: традыцыйную "вясковую" прозу і інтэлектуальную, пошукавую плынь".
(Людміла Рублеўская)
"Барыс Пятровіч мае выключнае стылістычнае чуцьцё, адметнасьць якога ўкаранёная ў здольнасьці абіраць адзіна магчымыя словы для аднаўленьня ў вобразе прынцыпова значных зьяваў... Талент стыліста шчасліва лучыцца з майстэрствам сюжэтабудаваньня: Барыс Пятровіч здольны вылушчыць ядро арыгінальнай ідэі з фабулы, здавалася б, ужо даўно і безнадзейна змучанай мастакоўскімі эксплуататарскімі захадамі".
(Ірына Шаўлякова)
*****
ЗМЕСТ (скарочаны)
Гісторыя аднаго інтэрв'ю для часопіса, які будзе. Абавязкова будзе
Фрэскі-1
Фрэскі-2
Фрэскі-3
Фрэскі-4
Products You May Like
Рына, алкагалічка сярэдніх гадоў, з неахвотай едзе на пахаванне сваёй бабкі ў забытую богам беларускую глушэчу. Пакуль памірала яе старая, Рына займалася чужымі ў дамах шчаслівай старасці на Захадзе. Адзінае, чаго яна хоча цяпер, – спакой. Але дома яе чакае неспадзяванка – старыя грахі і спадчына маюць доўгія цені. Ці можна ўсё выправіць, калі ты і блізка не цягнеш на гераіню? Рыне трэба пахаваць бабку, адкапаць каханка, аднавіць крыніцы, ніколі не прыходзячы ў поўную свядомасць. Жанр гэтай кнігі – балотная казка.
Кніга “Пад крыжам” улучае аповесць пра вялікага беларускага мастака-пейзажыста Фердынанда Рушчыца “Зямля Фердынанда”, навелы пра выдатных сучасных пейзажыстаў Марыю ды Міколу Ісаёнкаў, Антона Вырву і развітальнае апавяданне са зніклай у чарнобыльскай бядзе вёскай Лімень на Магілёўшчыне, якая па-ранейшаму жыве ў памяці і сэрцы пісьменніка.
sale
Масква 2000-х.
Горад, дзе віруюць ашаламляльныя грошы і пануюць стальныя норавы.
Дзе чалавек існуе ў каардынатах падначалення і спакусы, дзе воля — гэта найчасцей воля да ўлады.
Галоўны герой, выкладчык-эмігрант з Беларусі, патрапляе ў вір выпрабаванняў, якія вымушаюць яго нанова спасцігнуць тое, чаму адмова ад індывідуальнай свабоды ёсць такой салодкай.
Гэты тэкст варта чытаць, каб адчуць і зразумець тыя энергіі, што стаялі за шмат якімі падзеямі на постсавецкай прасторы апошнія 30 гадоў.
