Дзеяслоў 94 (3’18)

няма водгукаў

7.00 руб.

Памер: 170x260 мм

Вага: 495 г

Purchase

Няма на складзе

Проза Мэмуары Пераклады Публіцыстыка Паэзія Літаратуразнаўства Культуралёгія Часопісы "Дзеяслоў"Крытыка Жыцьцяпісы

Апісаньне

Травень—чэрвень. Літаратурны часопіс. — Мінск, 2018. — 296 с.

ISSN 2076-1309

Аўтары нумару: Эліза Ажэшка, Валеры Гапееў, Аксана Данільчык, Сяргей Дубавец, Валерыя Кустава, Франц Сіўко, Аксана Спрынчан.

ВЕРШЫ ДУБАЎЦА, РАМАН ГАПЕЕВА, ПЕРАКЛАДЫ АЖЭШКІ (Анонс нумару ад Dziejaslou.by) Паглядзець

94-ты нумар “Дзеяслова” адкрываюць вершы Сяргея Дубаўца, створаныя ім у шведскім горадзе Вісбю ў лютым-сакавіку 2018 г. Нізка называецца “Мяне ніколі так не любілі геніі…” (спасылка на тэкст тыдня: http://dziejaslou.by/dubaviec-94/).

Таксама друкуюцца вершы Аксаны Данільчык, Валера Дубоўскага, Валерыі Куставай і Ірыны Мацкевіч.

Цэнтральныя матэрыялы ў рубрыцы Проза – аповесць Франца Сіўко “Раз – шкілет, і два –шкілет” і фрагменты рамана Валера Гапеева “Пазл”.

Акрамя таго, у прозе друкуюцца працяг абразкоў Аксаны Спрынчан, што маюць агульную назву “Разынкавая муроўка” і апавяданне Таццяны Будовіч.

У нумары і ў літаратуры са сваімі вершамі дэбютуе Галіна Сіўчанка (http://dziejaslou.by/siuczanka-94/).

Улетку 2017 года ў вёсцы Маркава, на радзіме паэткі Тацяны Сапач, адбыўся першы творчы пленэр. Вершы ўдзельнікаў гэтага пленэра публікаюцца ў 94-м “Дзеяслове” пад агульнай назвай “За лесам, за летам, за Летай”.

У рубрыцы Пераклады Анатоль Бутэвіч знаёміць беларускага чытача з навэлай Элізы Ажэшкі “Афіцэр”, а Вольга Гапеева – з вершамі дваццацігадовай нарвежскай паэткі Лінды Клакен.

Для цікаўных што да феномену польскамоўнай беларускай паэзіі ХІХ ст. адкрыццём будзе публікацыя паэмы Артура Бартэльса, ураджэнца вёскі Дзяніскавічы, што на Ганцавіччыне, які пры жыцці праславіўся дзякуючы сваім песням і выступам забаўляльнага плану і лічыў сябе ліцвінам.

Таксама ў рубрыцы Спадчына друкуецца даследаванне Сяргея Чыгрына “Масей Сяднёў і Тодар Лебяда” і працяг успамінаў Юліі Бібіла, падрыхтаваныя Таццянай Кекелевай і Арсенем Лісам.

У рубрыцы Словы – гутарка Наталлі Гардзіенка з Янам Чыквінам з нагоды юбілея літаратурнага аб’яднання “Белавежа”.

Алесь Бельскі згадвае гарадзенскага літаратуразнаўцу Ігара Жука ў рубрыцы In memoriam.
Брытанскі філолаг-славіст, прафесар Лонданскага ўніверсітэта Арнольд Макмілін выступае з даследаваннем творчасці Вальжыны Морт – “паэткі паміж двума кантынентамі”.

Леанід Галубовіч публікуе рэцэнзію на кнігу Віктара Карамазава “Пад крыжам”.

Закрываецца нумар зацемкамі Паўла Абрамовіча “Маё жыццё ў нетрах літаратуры” і традыцыйнай рубрыкай Дзеяпіс – аглядам кніжных навінак на паліцах “Дзеяслова”.

Прыемнага чытання!

ЗМЕСТ Паглядзець

Водгукі

Неабходны Лагін або Рэгістрацыя, каб напісаць водгук.

Раім паглядзець

Клетка для івалгі

Даніленка Уладзімір

Уладзімір Даніленка — адзін з самых яркіх сучасных украінскіх празаікаў. Яго творы адзначаныя нацыянальнымі літаратурнымі прэміямі, уваходзяць у рэйтынгі найлепшых украінскіх выданняў і перакладзеныя на шматлікія замежныя мовы. Творчасць пісьменніка прасякнутая духам свабоды, непакорнасці і напоўніцу перадае ўкраінскі характар.

Калісьці ў Браціславе. Маё жыццё з Оскарам Л.

Лангерава Жо

Напісаны ў бліскучым літаратурным стылі аўтабіяграфічны раман Жо Лангеравай (1912—1990) распавядае пра няпросты лёс, які выпаў на долю аўтаркі: ад поўных наіўнымі надзеямі даваенных гадоў да цяжкіх часоў эміграцыі ў ЗША падчас фашысцкае акупацыі, не меней жорсткага перыяду пасля вяртання ў сталінізаваную Чэхаславакію.

Проза

Юхнавец Янка

"Проза" Янкі Юхнаўца (1921–2004) — новая кніга ў серыі "Спадчына: агледзіны" — першае ў Беларусі выданне празаічнай спадчыны гэтага пісьменніка-эмігранта. Том склалі апавяданні, няскончаная аповесць "Яно", "Запіскі і зацемкі…". Напісаныя самабытнай мовай, арыгінальныя творы маюць паспрыяць вяртанню імя аўтара ў літаратуру.