Смак беларускай гісторыі = Вкус белорусской истории = Teste of Belarusian history / Алена Мікульчык. – Мінск : Беларусь, 2012. – 144 с. Цвёрдая вокладка.
ISBN 978-985-01-1588-1
У гэтай кнізе старадаўнія стравы адаптаваны пад сучасныя прадукты і тэхналагічныя прыёмы так, каб вы маглі лёгка паўтарыць гэта на сваёй кухні. Кожная страва суправаджаецца цікавай гісторыяй паходжання, рэкамендацыямі па падрыхтоўцы і, галоўнае, указаннямі, якія змены былі ўнесены ў зыходны варыянт.
Кніга на беларускай (тытульная), рускай і англійскай мовах.АД АЎТАРА Разгарнуць
Беларуская кухня бярэ свой пачатак з далёкія язычніцкіх часоў, мае багатую гісторыю і шматвяковыя традыцый, Бель русы мелі параўнальна невялікі набор прадуктаў, але змаглі стварыць унікальную кухню дзякуючы сваёй фантазіі і цікаўнасці. Змешваючы розныя прадукты, на першы погляд несумяшчальныя, выкарыстоўваючы некалькі спосабаў апрацоўкі ў адным рэцэпце, яны стваралі новыя стравы. Вельмі часта за аснову бралася якая-небудзь упадабаная страва з кухні іншых народаў, рэцэптура якой паступова змянялася пад уплывам традыцыйных метадаў апрацоўкі і даступнасці пэўных інгрэдыентаў. Такім чынам, на фармаванне беларускіх кулінарных традыцый аказвалі ўплыў кухні розных народаў: руская, украінская, літоўская, яўрэйская, польская, нямецкая, італьянская, французская. І, вядома ж, у нацыянальнай кухні можна знайсці вялікую колькасць страў, характэрных толькі для Беларусі. Аўтэнтычнасць кухні ўмоўнае паняцце, таму што фармаванне любой кухні свету, няхай гэта французская, нямецкая або італьянская, таксама складвалася пад уплывам суседзяў і гістарычных падзей.
У цэлым нацыянальную кухню Беларусі можна падзяліць на ўмоўныя пяць кулінарных традыцый: сялянская, гарадская, карчомная, шляхецкая і каралеўская. Калі гэту класіфікацыю спрасціць, можна сказаць, што ў нас, як і ў любой іншай краіны, былі дзве кухні для шляхты і для простых людзей. Кухня шляхты захавалася ва ўспамінах спадчыннікаў дваранства і шляхты і ў старажытных кулінарных кнігах. І калі сялянская кухня перадавалася практычным шляхам з пакаленняў пакаленне, была кансерватыўная і мала схільная да ўплыву звонку, то кухня шляхты, наадварот, была вельмі разнастайная, адкрытая да эксперыментаў і модных тэндэнцый, і гэта знаходзіла адлюстраванне ў кулінарных кнігах.
Многія гістарычныя назвы страў захаваліся да цяперашняга часу, але раней гэту ежу гатавалі інакш. Напрыклад, страва пад назвай «жульен» вядома ў ХІХ ст. як суп, у сучасным разуменні гэта гарачая закуска пад соусамі сырнай скарыначкай. Чаму адбылася такая трансфармацыя, вы даведаецеся ў гэтай кнізе. Гэта будзе займальнае расследаванне, амаль дэтэктыў, але шукаць мы будзем не злыдня, а таго, хто прыдумаў страву, і даведаемся, чаму тая ці іншая страва раней гатавалася менавіта так, а цяпер інакш.
У кнізе «Смак беларускай гісторыі» старадаўнія стравы адаптаваны пад сучасныя прадукты і тэхналагічныя прыёмы так, каб вы маглі лёгка паўтарыць гэта на сваёй кухні. Кожная страва суправаджаецца цікавай гісторыяй паходжання, рэкамендацыямі па падрыхтоўцы і, галоўнае, указаннямі, якія змены былі ўнесены ў зыходны варыянт.
Кніга змяшчае два раздзелы: «Гістарычнае беларускае меню XVIII-ХІХ стст. у сучаснай адаптацыі» і «Гістарычныя беларускія дэсерты XVIII-XIX стст. у сучаснай адаптацыі». Дэсертам надаецца вялікая ўвага, каб развеяць міф аб тым, што беларусаў не было салодкага. Гэта не так. Разнастайнасць шматлікай выпечкі, печыва, пірагоў, тартоў, марожанага дэсертных салодкіх супоў уражвае. У кнігу ўвайшлі лепшыя рэцэпты і смакавыя спалучэнні, каб самы пераборлівы турман знайшоў свой дэсерт.
Перад гатаваннем рэкамендуем азнаёміцца з гісторыяй кожнай стравы. Для гістарычнай кухні гэта вельмі важна, бо Большасць рэцэптаў, што змешчаны ў кнізе, будуць для вас адкрыццём. Жадаем вам кулінарных поспехаў. І хай кожная страва створыць для вас святочны настрой і прынясе задавальненне. Паспрабуйце гісторыю на смак.
