Мой шлях — Беларусь
Апісаньне
Фотаальбом / Аўтар-складальнік Дзяніс Раманюк. — Мінск: выдавец Дзяніс Раманюк, 2013. — 96 с. : іл. Цвёрдая вокладка.ISBN 978-985-90301-7-8
На беларускай, ангельскай, нямецкай, рускай мовах.
Прыгажосць беларускай прыроды неаднойчы апісаная ў літаратурных творах, але, на жаль, вельмі мала яе якасных адлюстраванняў у фатаграфіі. Дзяніс Раманюк больш за дзесяць гадоў плённа распрацоўвае тэму беларускага краявіду. Пабываўшы з фотаапаратам амаль ва ўсіх кутках Беларусі, фотамастак адзняў сотні стужак, якія захоўваюць чароўныя і бясконца прыгожыя выявы прыроды.
Узнагароджаны дыпломам ІІІ ступені на V Міжнародным конкурсе “Мастацтва кнігі — 2008” (Масква) у намінацыі “Мая краіна” і “Залаты фаліянт” пераможцы Нацыянальнага конкурсу “Мастацтва кнігі — 2008” у намінацыі “Найлепшы фотаальбом”.
Беларускія краявіды, зафіксаваныя ў розныя поры года і сутак, адлюстроўваюць асаблівасці і адценні зімы, вясны, лета ды восені, разам з світанкамі і закатамі, туманамі і навальніцамі, і сплятаюцца ў чароўную нізку мастацкіх твораў. Каб паказаць гэтую прыгажосць іншым, створаны фотаальбом “Мой шлях — Беларусь”, куды адабраны самыя лепшыя творы. Усяго на старонках альбома змешчана 86 фотаздымкаў. Гэтае выданне праз агульнадаступную мову фатаграфіі, якая не патрабуе перакладаў і тлумачэнняў, пашырае вядомасць нашай краіны, што знаходзіцца ў цэнтры Еўропы і адыгрывае немалаважную ролю ў развіцці сучаснага свету, але дагэтуль застаецца малавядомай. З дапамогай фотаальбома гледачы пабачаць не толькі вядомыя геаграфічныя месцы і помнікі архітэктуры — яны атрымаюць магчымасць, што асабліва цікава, зазірнуць у схаваныя ад асноўных дарог і турыстычных маршрутаў куткі Беларусі, якія захавалі “некранутую прыгажосць” і вядомы нават не ўсім жыхарам краіны...
Пра аўтара
Сайт Дзяніса Раманюка
Водгукі
Неабходны Лагін або Рэгістрацыя, каб напісаць водгук.
Раім паглядзець
Альбом “Беларусь” складаецца з пяці раздзелаў, што маляўніча і густоўна знаёмяць чытача з перлінамі гісторыі, народнага мастацтва, архітэктуры, прыроды і сталіцай Мінскам. На кітайскай мове.
У кнізе змешчаныя 152 фатаграфіі, на якіх адлюстраваныя 86 храмаў і мноства краявідаў — як са знакавых, так і менш вядомых куткоў нашай Радзімы. Кожны здымак храма суправаджаецца падрабязным апісаннем, складзеным з дзвюх частак. У першай частцы, падрыхтаванай вядомым гісторыкам архітэктуры Сяргеем Харэўскім, пададзена дакладная навукова-гістарычная інфармацыя. Другая частка — лірычная, ад фатографа.
З фотаздымкаў паўстае зьмястоўная карціна ці не ўсяго самага адметнага, што ёсьць у беларушчыне: абразы й народныя строі, замкі й бажніцы, разлогі палёў і люстры азёраў, сталіца Мінск ды іншае. Да кожнага здымка ёсьць дакладны і зьмястоўны подпіс. Так сама ўтрымліваецца сьціслы гістарычны нарыс у якім аўтар здолеў вытрымаць адпаведны балянс – для першага знаёмства з краінаю сказана ўсё самае галоўнае. Вельмі дарэчы і камэрны фармат выданьня 210х148 мм., які робіць альбом добрым сувэнірам.
