З фальварка Марцінова да Фармінгтонскіх узгоркаў

няма водгукаў

Шабовіч Святаслаў

8.30 руб.

Памер: 130x200 см

Вага: 435 гр.

Purchase

Абраны варыянт адсутнічае на складзе. Калі ласка, абярыце іншы варыянт.

Апісаньне

Гісторыя аднаго падарожжа / пераклад з англійскай Віялеты Кавалёвай; прадмова, каментары Наталлі Гардзіенкі. — Мінск: Кнігазбор, 2015. — 260 с. — (Бібліятэка Бацькаўшчыны; кніга 24).

ISBN 978-985-7119-49-3.

Кніга ўяўляе з сябе ўспаміны беларускага эмігранта, што падчас Другой сусветнай вайны страціў бацькоў і ў дванаццацігадовым узросце пакінуў Беларусь. Аўтар распавядае пра беларускае дзяцінства, тулянні па паваеннай Германіі, выезд у ЗША і ўладкаванне ў новай краіне. Успаміны адлюстроўваюць погляд на падзеі беларускай гісторыі і эміграцыі прадстаўніка пакалення Ды-Пі, на станаўленне светапогляду якога значны ўплыў зрабіла жыццё ў лагерах для перамешчаных асобаў.

Пра кнігу

“З фальварка Марцінова да Фармінгтонскіх узгоркаў”: успаміны падлетка-эмігранта (Інфармацыйны цэнтр МГА “ЗБС “Бацькаўшчына”)

Святаслаў Шабовіч: Светлыя гады маленства, пякельная ноч і паветраныя змеі — успаміны беларуса, які выжыў на радзіме і паслужыў у амерыканскім войску (часопіс "Культура. Нацыя")

ЗМЕСТ Паглядзець

Фрагмент з прадмовыПаглядзець

... Выразнай адметнасцю ўспамінаў Святаслава Шабовіча ёсць гранічная аўтарская шчырасць і непасрэднасць, на мяжы з аголенасцю, што пераводзіць мемуары ў іншы жанр — споведзь і прымушае згадаць аднайменны твор Жан-Жака Русо. Гэты тэкст — бадай, першы ў эміграцыйнай (а мо не толькі эміграцыйнай) мемуарыстыцы, дзе аўтар расказвае пра ўласнае дзіцячае сутыкненне з гвалтам у сям’і, з алкаголем, пра сексуальныя назіранні і перажыванні…

Яшчэ адна спецыфічная рыса ўспамінаў Святаслава Шабовіча — своеасаблівая цыклічнасць аповеду. Кожны раздзел пісаўся як адносна самастойны ўспамін з завершанай структурай, таму да найбольш важных падзей аўтар вяртаецца неаднойчы, згадваючы іх з рознымі падрабязнасцямі. Да таго ж, відавочна, штуршком да пісання мемуараў стала здзейсненае на пачатку ХХІ ст. падарожжа па Еўропе і наведванне Беларусі. Ад гэтых сваіх уражанняў аўтар адштурхоўваецца ў аповедах. У выніку мінулае часта перагукаецца ў тэкстах з сучаснасцю, з уражаннямі пра адведванне больш як праз паўстагоддзя месцаў, дзе адбываліся важныя падзеі дзяцінства і юнацтва.

“З фальварка Марцінова да Фармінгтонскіх узгоркаў” пісаліся першапачаткова як успаміны для сям’і — для дзяцей, унукаў, праўнукаў. І гэта адлюстравалася не толькі ў англійскай мове арыгіналу, перакладзенага для кніжнай публікацыі Віялетай Кавалёвай. Адбітак уяўлення аўтара пра мэтавую аўдыторыю можна знайсці ў тлумачэннях некаторых рэчаў і з’яваў, людзям з беларускім досведам блізкіх і зразумелых. Так, народжаным у ЗША нашчадкам трэба было тлумачыць, як рабілі са збожжа муку, як без электрычнасці ўзбівалі масла, як выглядала лазня і г.д. З пазіцыі ўжо амерыканца Святаслаў Шабовіч тлумачыць, чаму вясковы сабака мусіў жыць у будцы і што гэта не ўспрымалася як здзек з жывёлы. Гэткія ж рэфлексіі з пазіцыі гадоў, пражытых у ЗША, над рэпрэсіямі, пад якія патрапіў бацька, над дзейнасцю партызанаў, што забілі маці і бабулю, над бамбардаваннямі нямецкіх гарадоў і іншым — таксама неад’емная частка ўспамінаў.

У сваім аповедзе Святаслаў Шабовіч даволі падрабязна апісвае падзеі жыцця ў паваеннай Нямеччыне: пераезды з аднаго лагера ў іншы ў пошуках бяспечнага месца, каб пазбегнуць рэпатрыяцыі, навучанне ў Беларускай гімназіі імя Янкі Купалы ў Міхельсдорфе, скаўтынг. І нягледзячы на заўвагу самога аўтара, што ў згадках пра навучанне яму шмат дапамагла кніга Яна Максімюка, успаміны напоўненыя каштоўнымі дэталямі…

Наталля Гардзіенка

Водгукі

Неабходны Уваход або Рэгістрацыя, каб напісаць водгук.

Раім паглядзець

Наша гісторыя. 2019. №8. Князь Ігар & Co.

Тэма нумару: Князь Ігар & Co. Русь як гандлёвая карпарацыя, якая ажыццяўляла аптовыя пастаўкі рабоў. Аўтары нумару: Андрэй Скурко, Алег Дзярновіч, Максім Гацак, Ягор Лебядок, Сяргей Плахій Васіль Герасімчык, Сяргей Астанковіч, Андрэй Вашкевіч, Сяргей Токць, Святлана Куль-Сяльверстава, Ганна Севярынец, Паўліна Скурко, Святаслаў Кулінок, Алесь Белы, Наталля Васілюк, Антон Рудак, Мікалай Кавалёў ды іншыя.

Наша гісторыя. 2019. №7. Андрэй Грамыка

Тэма нумару: Андрэй Грамыка – самы ўплывовы беларус СССР. Аўтары нумару : Андрэй Скурко, Сяргей Астанковіч, Дзяніс Лісейчыкаў, Антон Рудак, Максім Маханькоў, Аляксей Ластоўскі, Ганна Мажэйка, Надзея Усава, Алесь Белы, Сяргей Егарэйчанка, Андрэй Вашкевіч, Юрый Унуковіч, Андрэй Кіштымаў, Ганна Севярынец, Аляксей Бацюкоў, Філіп Какойша, Алесь Кудрыцкі ды іншыя.

Нараджэнне беларускай Гародні

Чарнякевіч Андрэй

Кніга распавядае пра фармаванне ў Гародні аднаго з галоўных цэнтраў беларускага нацыянальнага руху ў першай палове ХХ ст. На падставе малавядомых архіўных і друкаваных крыніц аўтар стварае шырокую панараму сацыяльна-палітычнага жыцця даваеннай Гародні, апісвае яе беларускае аблічча на фоне бурлівых падзей, звязаных са шматлікімі зменамі ўлады і ўсталяваннем новых парадкаў у горадзе.