Меліярацыя з Альбэрам Камю

няма водгукаў

Мудроў Вінцэсь

17.20 руб.

Памер: 130x200 мм

Вага: 275 г

Purchase

Абраны варыянт адсутнічае на складзе. Калі ласка, абярыце іншы варыянт.

Проза Кнігазбор (выдавецтва)Мудроў Вінцэсь

Апісаньне

Меліярацыя з Альбэрам Камю : апавяданні / Вінцэсь Мудроў. – Мінск : Кнігазбор, 2021. – 212 с.

ISBN 978-985-7227-92-1.

Зборнік складаюць 10 апавяданняў, у якіх аўтар піша пра нашы дні, а таксама згадвае часы сваёй маладосці.

ЗМЕСТ
Чырвоны чалавек
Халхінголка
Цітавец
Дом творчасці
У Вільні
Тайна Пронінай сажалкі
Пагасціны
Меліярацыя з Альбэрам Камю
У смаленскім палоне
Пах гарэлага торфу

ФРАГМЕНТ з КНІГІ Паглядзець

ХАЛХІНГОЛКА
Прымацаваўшы падшлемнік, Кастан нацубіў каску на галаву, падышоў да люстра і не пазнаў сябе. На яго глядзеў істапраўны эсэсавец. Дарма, што замест чорнага мундзіра на ім была саколка з выявай Мікі Маўса. Адкінуўшыся крыху назад, Кастан пстрыкнуў пальцам па металу і пачуў глухі зык. Штальхельм М-40. Шэсцьдзясят гадоў на гарышчы адваляўся. Працёр шчаўевай кіслатой – і стаў як навюткі. Можна было не фарбаваць.

Кастан задаволена пацёр рукі, паставіў «штальхельм» на паліцу, поруч з шыхтом адноўленых нямецкіх касак, і злёгку спахмурнеў. Трэба выпраўляцца ў Маскву, а ехаць не хацелася. Свойчас каскі сплаўлялі на «Беларусьфільм». Грошы там плацілі невялікія, затое не трэба за свет перціся. Але цяпер кінастудыя фільмы пра партызан не здымала, таму і даводзілася збываць адрэстаўраваны рыштунак у Маскве ды Піцеры.

У кішэні перапэцканых фарбай і прапаленых кіслатой штаноў казытліва зумкнуў мабільнік. Хтосьці «кідаў глушца» – набіраў нумар і адразу ж адключаўся. Кастан дастаў тэлефон, зірнуў на асветлены экран. Зрэшты, ён і так ведаў: званілі мальцы з Ясіновікаў.

– Ты, Дадон? – пераселым голасам выгукнуў Кастан і адкерхаўся. – Ну, што там, дакладвай.

– Шэф, Сява нямецкі крыж падняў, – ясіновікаўцы мелі звычку называць Кастана шэфам, – у жалезным футарале.

– Першага ці другога класа?

– … яго ведае, – мацюкнуўся ў адказ Дадон і пасля паўзы дадаў: – А я медаль падняў. Здаецца, срэбны.

– І што на ім напісана?

– Штосьці па-нямецку… не разабраць. А на самім медалі нейкія вароты, ці нешта такое…

– Відаць, «За ўзяцце Парыжа», – прамармытаў шэф.

– Учора гузікаў дзясятак паднялі, пару жэтонаў…

– Ладна, не па тэлефоне, – абарваў шэф суразмоўцу. – Папярэдзь Сяву: у нядзелю аб адзінаццатай буду ў вас...

Водгукі

Неабходны Лагін або Рэгістрацыя, каб напісаць водгук.

Раім паглядзець

Колер крылаў

Эспіноса Руіс Анхела

У кнігу Анхелы Эспіноса Руіс “Колер крылаў” увайшлі паэтычныя творы (як новыя, так і выбраныя з ранейшых кніг), а таксама апавяданні, калумністыка. Асобным раздзелам прадстаўлены пераклады з бенгальскай, ангельскай, іспанскай, польскай, рускай, чэшскай і японскай моў. Літаратурная прэмія Міхася Стральцова 2019 года!

Ноч

Марціновіч Віктар

Гэтая кніга Віктара Марціновіча ёсць рукапісам невядомага аўтара, што быў набыты Сацішам Сівачарыярам у бенгальскага крамніка за літр чыстай вады, пасму прадзіва і пару амаль не ношаных сланцаў. Рукапіс, спісаны незразумелымі кірылічнымі пісьмёнамі, быў дбайна перакладзены аўтарам знаходкі на ангельскую мову.

Ferdydurke

Гамбровіч Вітальд

Раман аднаго з найбуйнейшых польскіх аўтараў ХХ ст. Вітальда Гамбровіча, поўны чорнага гумару, працягвае камедыйныя традыцыі вялікіх майстроў мінуўшчыны Рабле, Сэрвантэса, Філдынга.