Дзень паэзіі смерці дзень + CD
9.80 BYN
Size: 165x170 mm
Weight: 200 g
Purchase
out of stock
Description
Мінск: І. П. Логвінаў, 2014. — 104 с. + аўдыёдадатак.ISBN 978-985-562-035-9
Кніга выбраных вершаў і замоваў Андрэя Адамовіча “Дзень паэзіі смерці дзень” —відаць, адзіная ў свеце паэтычная кніга, у якой словы “цыркуль" і “астралябія" ўжываюцца часцей, чым слова “каханне". У кнігу ўвайшлі вершы, прыдуманыя аўтарам з 4 да 11 году XXI стагоддзя. Кніга прызначаная вузкаму колу аматараў паэзіі. Аўдыёдадатак змяшчае запісы вершаў у выкананні беларускіх паэтаў і аўтара.
За гэтаю кнігу аўтар уганараваны прэміяй беларускага ПЭН-Цэнтра "Дэбют" імя Максіма Багдановіча за 2013 год.
Андрэй Адамовіч: "Няма для мяне нічога святога" (інтэрвію на BOOKSTER.BY)
Ганна Янкута: Гульні ў дзень паэзіі (рэцэнзія на кнігу)
КАЛЯДНАЕ (верш з кнігі)
адмыкае вільня сусветы і голас твой
з бурбалкамі ў тканіне льецца хутчэй
чым з люлькі агеньчык сочыць наш свет
і ў сабе вынаходзіць цяпло і блакітны дым
што ляжыць на дварэ і адбівае святло
зоркі пухнатай вядомай з мілосных кніг
уся пяшчота ў іх і малако з грудзей
у дзюбах нясуць крумкачы і мурашы сняць
заўтрашні дзень для цябе і твайго дзіцяці
ЗМЕСТ Паглядзець
Трэк-ліст аўдыёдадатку Паглядзець
Праслухаць трэк "Габрыель Гарсія Маркес" у выкананні Андрэя Хадановіча можна ніжэй:
Products You May Like
Актыўная ўдзельніца літаратурнага руху сярэдзіны 1920-х гг. Яўгенія Пфляўмбаўм пакінула не толькі выдатныя творы, але і загадку сваёй біяграфіі, якая застаецца крыніцай разваг аб лёсе творчай жанчыны. Кніга яе выбраных вершаў адметная найперш цікавымі творамі 1920–1930-х гг., якія аўтарка не ўключала ў наступныя зборнікі, і творамі, напісанымі ў канцы жыцця, засталіся ў рукапісах.
Габрыэла Містраль – псеўданім чылійскай паэткі Люсілы Гадой Алькаяга (Lucila de María Godoy Alcayaga, 1889–1957), лаўрэата Нобелеўскай прэміі ў галіне літаратуры. Беларускія пераклады яе найлепшых вершаў выкананыя класікам нашай паэзіі Рыгорам Барадуліным у цесным супрацоўніцтве з Карласам Шэрманам.
Эльза Ласкер-Шулер (1869-1945) – нямецкая паэтка габрэйскага паходжання, знаходзілася пад моцным уплывам нямецка-аўстрыйскага экспрэсіянізму, еўрапейскага неарамантызму і псіхалагізму. Яе творчасць у выніку падзей няпростага часу эвалюцыянавала ад непахіснай жыццярадаснасці да змрочнай замкнёнасці ў сабе, ад захаплення гісторыяй Зямлі Абяцанай да расчаравання сучасным ёй ладам жыцця блізкаўсходніх габрэяў.
