Сімъ побѣдиши
4.50 руб.
Size: 130x200 mm
Weight: 345 g
Purchase
out of stock
Description
Раман, эсэ. — Мінск : Кнігазбор, 2012. — 260 с.ISBN 978-985-7057-16-0
Раман “Сімъ побѣдиши” — пра ўладу тыранаў і ўладу слова. Расповед вядзецца ў двух часавых зрэзах: XVI стагоддзі і ў нашым часе. У цэнтры тэксту — тры галоўныя пары персанажаў-двайнікоў: цар Іван Жахлівы (Грозны) — і сучасны дыктатар Іван Мароз; мітрапаліт, які ўзвёў цара на трон, — і прафесар-гісторык, які дапамог свайму былому студэнту выйграць прэзідэнцкія выбары; першадрукар Іван Федаровіч (Фёдараў) — і тэлежурналіст Іван Федарэнкін. А яшчэ — Кацярына Ягелонка, пляменніца караля Жыгімонта, якая не скарылася маскоўскаму цару і стала каралевай Швецыі, — і студэнтка Кацярына… “Усё знікае, але нічога не змяняецца” — асноўны лейтматыў рамана. А перамагае ў выніку не сіла, а любоў. І — слова.
У кнігу ўвайшлі і выбраныя эсэ аўтара.
Артыкул Пра аўтара ў Вікіпэдыі
ЗМЕСТ Паглядзець змест цалкам
*****
“Новы, надзвычай цікавы раман Алеся Пашкевіча “Сімъ побѣдиши” працуе на захаванне нашай гістарычнай памяці”. (газета “Народная Воля”)
*****
“Аўтар змог сабраць бліскучую гістарычную (параўнальную) фактуру, якая ў прамежку пяцісот гадоў як пад капірку выяўляе станаўленне, духоўную сутнасць ды імперскую заможнасць дзяржавы, дзе перыядычна змяняецца фасад, але табулюецца ўнутраны змест… Прываблівае да чытання чысты і нязмушаны для такога складанага жанру стыль. Да ўсяго аўтар не дае расслабіцца чытачу згусткамі насычанай дакументальнай інфармацыі…” (газета “Новы Час”)
*****
“Алесь Пашкевіч ужо не першы раз паспяхова звяртаецца да гістарычнай тэматыкі, па-майстэрску карыстаецца прыёмам паралельнага рамана… Атрымалася сапраўдная і вельмі цікавая літаратура, якую чытаеш на адным дыханні і да слёз шкадуеш, калі твор завяршаецца”. (часопіс “Дзеяслоў”)
Products You May Like
Другая кніга рамана “Беларускі палкоўнік” – гэта працяг гісторыі магілёўскага шляхціца Канстанціна Паклонскага. Дзеяньне адбываецца ў час “крывавага патопу” 17 стагодзьдзя. На старонках кнігі ажываюць вядомыя гістарычныя постаці, а падзеі разгортваюцца ў Магілёве, Крычаве, Горадні і Новым Быхаве. Каханьне і здрады, вера ў Бога і інтрыгі, вайна і прага міру, расчараванасьць і надзея – усё гэта вымагае няпростых рашэньняў, якія давядзецца прымаць галоўнаму герою…
Гэтую кнігу празаіка складаюць стракатыя — па форме і змесце — апавяданні, у якіх аўтар кідае рэтраспектыўны позірк у мінулае і спрабуе зазірнуць у будучыню.
У гэтай кнізе Адама Глобуса сабраныя партрэты выдатных майстроў літаратуры і мастацтва. Іх усіх добра ведае аўтар, таму чытач убачыць шмат асабістага і кранальнага, таго, пра што не змогуць напісаць іншыя. На першы погляд, суб’ектывізм Глобуса можа падавацца занадта катэгарычным, але яго кампенсуе шчырасць і праўдзівая любоў да апісаных творцаў.
