Хронікі БІНіМу

14.00 BYN

Памер: 145x200 мм

Вага: 250 г

Purchase

Абраны варыянт адсутнічае на складзе. Калі ласка, абярыце іншы варыянт.

Мэмуары Публіцыстыка Кнігазбор (выдавецтва)Навукова-папулярная літаратура Сэрыя "Бібліятэка Бацькаўшчыны"Эпісталярыі Гардзіенка Наталля Юрэвіч Лявон

Апісаньне

Гісторыя Беларускага інстытуту навукі і мастацтва ў дакументах, лістах і ўспамінах / Прадмова Вітаўта Кіпеля. — Мінск: Кнігазбор, 2017. — 352 с.: іл. — (Бібліятэка Бацькаўшчыны; кніга 33). Цвёрдая вокладка.

ISBN 978-985-7180-34-9.

Кніга прысвечаная 65-гадовай гісторыі Беларускага інстытуту навукі і мастацтва ў Нью-Ёрку. Пра дзейнасць адной з найстарэйшых існых сёння эміграцыйных інстытуцый распавядаюць лісты, успаміны, пратаколы і іншыя дакументы з архіваў двух старшыняў — Вітаўта Тумаша і Вітаўта Кіпеля. Праблемы і дасягненні БІНіМу, умовы працы і роля асобаў — усё гэта знайшло сваё адлюстраванне ў кнізе, дапоўненай бібліяграфіяй альманаху "Запісы" і бібліяграфічным даведнікам.

Пра кнігу

Ціхан Чарнякевіч. Траўматычная гісторыя беларускага замежжа ў Хроніках БІНІМу (Budzma.by)

Наталля Гардзіенка прэзентавала "Хронікі БІНІМу" ў Нью-Ёрку (рэпартаж Віктара Дударава ў "Новым Часе")

Вітаўт Кіпель. Пачынаем збіраць інтэлектуальна-даследчую спадчыну (замест прадмовы)Паглядзець

Беларуская нацыянальная творчая думка, скаваная цэнзурна-бюракратычнымі путамі Расейскай імперыі, аддаўна імкнулася “прабіцца” ў шырокі свет ды заявіць, што рэгіён у цэнтры Еўропы, часта безназоўны, а ў найлепшым выпадку званы “Северо-Западный край”, патрабуе даследавання: “край балот” багаты на гістарычныя падзеі, мае ўнікальную этнаграфію, багатую мову і г. д.

Аднак прабівацца, заяўляць пра сябе было няпроста і нялёгка! На нашую думку, толькі па з’яўленні ў 1904 годзе ў лонданскім часопісе “The Anglo-Russian” артыкулу-аналізу Гэб. Палісандра аб стане рэгіёну, эканамічна-культурным профілі краю пасля падзелаў і захопу ліцвінска-беларускіх тэрыторыяў Вялікага Княства Літоўскага Расеяй, на Захадзе пачалі публікаваць артыкулы-даследаванні пра культуру, пісьменнасць г. зв. “Северо-Западного края”, ці Літвы-Беларусі ў мінулым.

Зацікаўленне рэгіёнам значна ўзмацнілася пасля падзеяў 1917—1918 гадоў ды стварэння дзяржавы — Беларускай Народнай Рэспублікі. З’явіліся глыбейшыя аналітычныя артыкулы ў нямецкай, французскай ды англійскай мовах.

Эмігранты, згрупаваныя ў Празе, таксама ладна спрычыніліся да даследаванняў.

Даследча-творчы інфармацыйны аспект нагэтулькі ўзняўся, што па Другой сусветнай вайне, у пачатку 1950-х гадоў, у ЗША быў створаны Беларускі інстытут навукі і мастацтва, асноўным заданнем-планам якога было вывучэнне Беларусі — эміграцыі ды тэмаў, якія не вывучаліся (рэлігія), фальшаваліся (гісторыя) у БССР. Планавалі таксама ў Інстытуце ў меру магчымасці рэгістраваць усю замежную беларусіку. Наваствораная арганізацыя, у скароце БІНіМ, згуртавала па-над сотню навукоўцаў, і праца, як кажуць, “паехала”! Дзейнасць БІНіМу адлюстроўвалася ў яго органе: “Запісах” (выдаецца з 1952 года).

Паступова пачалі супрацоўнічаць з БІНіМам даследчыкі, маладзейшыя навукоўцы з Бацькаўшчыны. Да пачатку 1990-х гадоў БІНіМ апублікаваў тысячы старонак новых даследаванняў, навязаў лучнасць з соткамі амерыканскіх установаў, каледжаў, бібліятэк, універсітэтаў. Але! Як пісала Наталля Арсеннева, першы і доўгагадовы сакратар БІНіМу, “час няўмольны” — пакаленне пачынальнікаў адыходзіла. Іх падмянялі новыя пакаленні — новыя планы, цяснейшае супрацоўніцтва з Бацькаўшчынаю.

Паступова БІНіМ стаўся агульнабеларускай (г. зн. дыяспарна-метрапольнай) арганізацыяй.

Чытачу прапаноўваецца першая гісторыя развіцця даследчыцкай, творчай думкі ў дыяспары: дзеячы тае эпохі, дакументы, імкненні-крокі БІНіМу да працы на карысць Беларусі ды супрацоўніцтва з Бацькаўшчынаю. Спадзяемся, што гісторыя Інстытуту будзе пісацца і надалей, будуць стварацца новыя працы, доследы, будуць знаходзіцца новыя дакументы — у творчай працоўнай еднасці дыяспары і метраполіі, — што будзе заснаваны Беларускі навукова-даследчы архіўны фонд, адзіны для ўсёй нацыі.

Вітаўт Кіпель,
старшыня Беларускага інстытуту навукі і мастацтва

ЗМЕСТ Паглядзець

Водгукі

Неабходны Лагін або Рэгістрацыя, каб напісаць водгук.

Раім паглядзець

Шчанячыя гады

Ваньковіч Мельхіёр

Успаміны польскага пісьменніка Мельхіёра Ваньковіча (1892–1974) дагэтуль не перакладаліся на беларускую мову, хоць найперш яны цікавыя менавіта беларускаму чытачу. Аўтар — нашчадак заможнага шляхоцкага роду, нарадзіўся ў маёнтку Калюжычы (цяпер Бярэзінскі раён). З ягоных “Шчанячых гадоў” паўстае Беларусь на зломе гістарычных эпох — ад паўстання 1863 года да савецка-польскай вайны 1920 года. Кніга чытаецца захапляльна: тут ёсць і жывы гумар, і глыбінныя светапоглядныя рэчы.

Ідзі адзін

Пятровіч Барыс

Гэтая незвычайная кніга складаецца з запісаў, зробленых у далёкім студзені 1993 года, калі аўтар раптам вырашыў весці дзённік, а таксама штодзень пісаць кароткую прозу ў прыдуманых ім «жанрах». У выніку атрымаўся адзін месяц жыцця, асветлены з розных бакоў, – асабістага, грамадскага, творчага...

Макар Краўцоў (Касцевіч)

Зборнік "Макар Краўцоў (Касцевіч)" — і першае кніжнае выданне выбраных твораў пісьменніка, і спроба першага аднаўлення яго біяграфіі. Аўтар слоў знакамітага "Ваяцкага маршу" ("Мы выйдзем шчыльнымі радамі") да сёння застаецца асобай малавядомай не толькі шырокай публіцы, але і спецыялістам. Кніга адлюстроўвае разнастайную (паэтычную, літаратурна-крытычную, публіцыстычную, мемуарную) спадчыну Макара Краўцова (Касцевіча), а таксама распавядае пра пакручасты лёс творцы.