Маленькія тролі і вялікая паводка
Purchase
Апісаньне
Пераклад са шведскай Насты Лабады; ілюстрацыі Тувэ Янсан. — Мінск: Зміцер Колас, 2010. — 56 с.: іл.Паводле “Tove Jansson. Småtrollen och den stora översvämningen”.
ISBN 978-985-6783-85-5
Казачная аповесць “Маленькія тролі і вялікая паводка” — першая з серыі кніг, прысвечаных мумітролям, чароўным і забаўным істотам, прыдуманым, апісаным і намаляваным выдатнай фінскай пісьменніцай і мастачкай Тувэ Янсан (1914—2001).
Пра аўтарку ў Вікіпэдыі.
Рэцэнзія Ганны Якуты на кнігу на сайце Прайдзісвет.
Артыкул пра кнігу на сайце "Нашай Нівы".
“Гэта было зімою 1939 года. Ішла вайна. Працаваць не хацелася; а рабіць малюнкі, здавалася, зусім не было патрэбы.
Таму, магчыма, мне і захацелася напісаць штосьці накшталт: “Жылі сабе аднойчы…” Далей немінуча павінна была разгарнуцца казка, але я не пайшла па збітай дарозе і не захацела пісаць пра прынцаў, прынцэс і маленькіх дзетак. Замест гэтага я прыдумала свайго няўрымслівага героя з жартоўных малюнкаў і назвала яго Мумітролем.
Напалову напісаны аповед праляжаў забыты аж да 1945 года, калі адзін мой сябар сказаў, што з гэтага можа атрымацца дзіцячая кніжка. “Дапішы яе, зрабі ілюстрацыі, і яе, можа быць, надрукуюць”.
Я хацела, каб у назве кнігі абавязкова прысутнічаў Мумітроль і яго пошукі таты — як у пошуках капітана Гранта, але ў выдавецтве настоялі на “маленькіх тролях”, каб чытачам было больш зразумела.
Аповесць склалася пад уплывам кніг, якія я любіла чытаць у дзяцінстве: крыху з Жуль Верна, крыху з Калодзі (дзяўчынка з блакітнымі валасамі). Ну а чаму б і не?
Так ці інакш, гэта была мая першая кніжка са шчаслівым канцом!”
Тувэ Янсан
Водгукі
Раім паглядзець
