Падарунак на Каляды

6.30 руб.

Памер: 130x200 мм

Вага: 260 г

Purchase

Няма на складзе

Проза Літаратура для дзяцей Пераклады Кнігазбор (выдавецтва)Кнігі дзеткам Сэрыя "Бібліятэка Саюза беларускіх пісьменнікаў “Кнігарня пісьменніка”Бібліятэка часопіса “ПрайдзіСвет” “PostScriptum”Кнігазбор для дзяцей і падлеткаў

Апісаньне

Зборнік святочнага апавядання. — Мінск: Кнігазбор, 2014. — 196 с. — (Бібліятэка Саюза беларускіх пісьменнікаў “Кнігарня пісьменніка”; Бібліятэка часопіса “ПрайдзіСвет” “PostScriptum”).

Наклад кнігі цалкам прададзены.

ISBN 978-985-7119-15-8.

У калядны час здараецца шмат цудаў, і вясёлых, і страшных. Жывых наведваюць прыбышы з іншага свету, несучы ім вестку пра наступныя дні. Дзед Мароз раздае дзецям і дарослым падарункі, галоўнае — не забыцца адчыніць фортку і павесіць боцік. І ўсё ж Каляды — свята трошачкі сумнае. Бо для таго, каб пачалося нешта новае, нешта старое мусіць скончыцца.

У кнігу ўвайшлі калядныя творы аўтараў з розных краін — Вялікабрытаніі, Польшчы, Германіі, Швецыі, Даніі, ЗША, Партугаліі, Анголы, Бразіліі. Тут ёсць і класічныя ўзоры жанру, такія, як “Калядны харал” Чарлза Дыкенса ці “Дары мудрацоў” О. Генры, і сучасныя апавяданні, дзеянне якіх адбываецца ў калядны і навагодні час. Сярод герояў гэтага зборніка — Дзед Мароз, хлопчык Ісус і Панна Марыя, духі Мінулых, Сёлетніх і Будучых Калядаў.

ЗМЕСТ Паглядзець

Фрагмент з кнігі Паглядзець

“…Полымя было такое цёплае і яркае, што здавалася, яна трымае рукі над маленькай свечкай — і што за чароўная гэта была свечка! Дзяўчынцы прымроілася, што яна сядзіць перад вялікай жалезнаю печкай з бліскучымі масянжовымі ручкамі і бакамі. Агонь гарэў так самазабыўна і грэў так добра! Але што гэта? — дзяўчынка выцягнула ногі, каб сагрэць таксама і іх, — і тут полымя згасла, печка знікла, і яна засталася сядзець з маленькім недагаркам ад спаленай сярнічкі ў руцэ.
Чыркнула новая сярнічка, загарэлася, заззяла, і там, дзе святло ад яе ўпала на мур, той зрабіўся празрыстым, нібыта вэлюм. Дзяўчынка ўбачыла перад сабой пакой, дзе стаяў стол, накрыты сляпуча-белым абрусам, на якім быў расстаўлены посуд з тонкага фарфору, а ў цэнтры смачна дымілася смажаная гуска, фаршыраваная чарнаслівам і яблыкамі! А яшчэ цудоўнейшым было тое, што гуска саскочыла са спода і, перавальваючыся, паклыпала па падлозе з відэльцам ды нажом у спіне проста да беднай дзяўчынкі! Але тут сярнічка згасла, і перад ёй застаўся толькі тоўсты, халодны мур.
Яна запаліла яшчэ адну. I вось дзяўчынка апынулася ля найчароўнейшай каляднай яліны — яшчэ больш высокай і прыгожай, чым тая, якую яна бачыла за шклянымі дзвярамі ў багатага купца на мінулыя Каляды. Тысячы свечак гарэлі на зялёных галінах, і каляровыя карцінкі, быццам з упрыгожаных вітрынаў, глядзелі на яе адтуль. Дзяўчынка выцягнула да іх рукі — і тут сярнічка пагасла, і ўся безліч калядных свечак пачала ўздымацца вышэй і вышэй — і вось яны ўжо зрабіліся яснымі зоркамі над яе галавой. Адна з іх сарвалася і ўпала, пакінуўшы ў небе доўгі агністы след…”

(Ханс Крысціян Андэрсэн. “Дзяўчынка з сярнічкамі”)

Водгукі

Неабходны Лагін або Рэгістрацыя, каб напісаць водгук.

Раім паглядзець

...Роўна і трошкі ўправа

Пятровіч Барыс

У кнігу Барыса Пятровіча ўвайшлі ўпершыню сабраныя разам фрэскі, у якіх верлібры дапаўняе рытмізаваная проза.

Па што ідзеш, воўча?

Вежнавец Ева

Рына, алкагалічка сярэдніх гадоў, з неахвотай едзе на пахаванне сваёй бабкі ў забытую богам беларускую глушэчу. Пакуль памірала яе старая, Рына займалася чужымі ў дамах шчаслівай старасці на Захадзе. Адзінае, чаго яна хоча цяпер, – спакой. Але дома яе чакае неспадзяванка – старыя грахі і спадчына маюць доўгія цені. Ці можна ўсё выправіць, калі ты і блізка не цягнеш на гераіню? Рыне трэба пахаваць бабку, адкапаць каханка, аднавіць крыніцы, ніколі не прыходзячы ў поўную свядомасць. Жанр гэтай кнігі – балотная казка.