Хрысціянская азбука
Purchase
Апісаньне
ISBN 985-6183-04-9
Кніга дапаможа даведацца пра Божы погляд
ДЗЕТКАМ:
на навакольны свет;
на дабро і зло;
на адносіны да бацькоў;
на важнасць вучобы і ведаў;
на сяброўства і сяброў;
на жаданні і абавязкі.
БАЦЬКАМ:
на дзяцей у сям'і;
на роль выхавання;
на пакаранне і заахвочванне;
на фарміраванне характару дзіцяці.
Слова ад выдаўца
Кніга, якую мы вам прапаноўваем, прысвячаецца хрысціянскаму выхаванню нашых дзетак. Яна называецца Хрысціянскай азбукай, і мы хочам звярнуць вашу ўвагу на кожнае з гэтых словаў. Гэта азбука, бо яна дае магчымасць дзеткам пазнаёміцца з літарамі і словамі, але ж яе прызначэнне не абмяжоўваецца тым, што каб толькі адкрыць дзеткам навуку чытаць.
Яна хрысціянская і, як і ўсё тое, што злучана з Богам, нясе дабро і святло. Яна напоўнена “азбукай” Хрыстовага навучэння, пра якое можна даведацца, калі прачытаць яе кароценькія апавяданні ці казкі і прыведзеныя ў ёй невялічкія цытаты з тэксту Бібліі. Яны заклікаюць падумаць і пра значэнне ведаў, і пра адносіны да бацькоў, і пра добрае і дрэннае, і пра сапраўдных сяброў, і пра радасць Божага дабраславення ў жыцці.
Кніга будзе цікавай і для бацькоў, бо праз простыя і шчырыя парады свае яна і дарослым можа дапамагчы па-іншаму ўбачыць сваіх дзетак, сябе, свае прынцыпы выхавання, а галоўнае — добрага Бога, Які стварыў гэты цудоўны свет і даў тыя законы, згадзіўшыся з якімі, можна быць шчаслівым.
У канцы кнігі вы знойдзеце і невялікія тэксты для чытання, і некаторыя малітоўныя абразкі, і апавяданні пра найважнейшыя святы, і невялічкі Слоўнічак пакуль што невядомых вам словаў.
Добрага ж вам шляху, паважаныя дзеткі і бацькі, у вывучэнні Азбукі, і няхай будзе з вамі добраславенне Божае!
Водгукі
Раім паглядзець
