Капялюш чарадзея
Purchase
Апісаньне
Пераклад з шведскай Алесі Башарымавай; ілюстрацыі Тувэ Янсан. — Мінск: Зміцер Колас, 2011. — 148 с.: іл. Цвёрдая вокладка.ISBN 978-985-6783-88-6.
Пераклад зроблены з выдання Tove Jansen. Trollkarlens hatt. Alfabeta Bokförlag
Казачная аповесць “Капялюш чарадзея” — трэцяя з серыі кніг, прысвечаных мумітролям, чароўным і забаўным істотам, прыдуманым, апісаным і намаляваным выдатнай фінскай пісьменніцай і мастачкай Тувэ Янсан (1914—2001).
Адрасуецца дзецям малодшага школьнага ўзросту, а таксама ўсім аматарам і заўзятарам мумітроляў.
ЗМЕСТ
Пралог
Раздзел першы,
у якім апавядаецца, як Мумітроль, Снусмумрык і Сніф знайшлі капялюш Чарадзея, а таксама пра нечаканае з’яўленне пяці маленькіх хмарак і пра тое, як Хемуль знайшоў сябе новы занятак
Раздзел другі,
дзе апавядаецца пра тое, як Мумітроль ператварыўся ў пачвару і нарэшце адпомсціў мурашынаму льву, а таксама пра загадкавую начную вандроўку Мумітроля і Снусмумрыка
Раздзел трэці,
дзе апавядаецца пра тое, як Андатар аддаліўся ад свету і перажыў нешта невыказнае; як “Прыгода” прывяла мумісям’ю на Адзінокі Востраў Хаціфнатаў і як Хемуль там абпаліўся, а таксама пра вялікую навальніцу
Раздзел чацвёрты,
дзе фрэкен Снорк лысее пасля начной атакі хаціфнатаў і дзе апавядаецца пра вельмі незвычайныя знаходкі на беразе Адзінокага вострава
Раздзел пяты,
у якім апавядаецца пра Караля рубінаў і пра тое, як Снорк лавіў перамётам рыбу, а таксама пра смерць Мамлюка і пра тое, як мумідом ператварыўся ў джунглі
Раздзел шосты,
дзе ў нашае апавяданне, ратуючыся ад Морры, трапляюць Тофсла ды Віфсла з таямнічым чамаданам, а Снорк вядзе судовы працэс
Раздзел апошні
і вельмі доўгі, дзе апісваецца сыход Снусмумрыка і тое, як раскрылі таямніцу Змесціва чамадана, як Мумімама атрымала назад сваю сумку і з радасці зладзіла вялікі фэст, і, нарэшце, як у Мумідол завітаў Чарадзей
